Пасля ўрачыстай лінейкі "Нашы сімвалы - наш гонар" дзеці прайшлі навучанне мерам бяспечных паводзін падчас наведвання аздараўленчага лагера.
Выхаванню пачуцця патрыятызму і грамадзянскасці, пачуцця любові і павагі да сваёй краіны спрыяла пазнавальная віктарына "Дзяржаўныя сімвалы Рэспублікі Беларусь".
Займальна прайшлі спартыўныя мерапрыемствы і гульні на свежым паветры.
Конкурс мадэльераў "Летні галаўны ўбор-2024" спрыяў развіццю фантазіі і ўвасабленню нестандартных ідэй.
Цікава прайшла гадзіна зносін "Казка пра тое, што бывае, калі людзі правілы не ведаюць". Дзеці чыталі казку па ролях, абмяркоўвалі.
Скончыўся дзень хвілінкай бяспекі "Адзенне па надвор'і".



