"Мір і стварэнне ў імя будучыні нашага народа», - пад такім дэвізам напярэдадні вялікага Дня Перамогі ў дзяржаўнай установе адукацыі «Сорогская сярэдняя школа імя К.В. Герчыка» адбылася сустрэча працоўнага калектыву з дэлегатам VII Усебеларускага народнага сходу, якое адбылося 24 красавіка 2024 года, Бойка Уладзімірам Уладзіміравічам.

У час гутаркі Уладзімір Уладзіміравіч расказаў аб сацыяльна-эканамічных дасягненнях Рэспублікі Беларусі. Ён адзначыў, што сустрэчы ў працоўных калектывах – добрая магчымасць данесці актуальную інфармацыю, абмеркаваць існуючыя праблемы, сацыяльнага характару, а таксама выслухаць асабістыя пытанні грамадзян, прыняць меры па іх вырашэнні. Усё гэта накіравана на паляпшэнне якасці жыцця людзей.

"Высокі гонар і адказнасць быць спадчыннікамі Вялікай Перамогі і славы нашага народа-працаўніка, - адзначыў Уладзімір Уладзіміравіч. Сумеснымі намаганнямі мы будзем прымнажаць дасягненні папярэдніх пакаленняў".

Уладзімір Уладзіміравіч, заснавальнік сайта "Спадчына Слуцкага краю", з цікавасцю наведаў школьны музей, дзе прадстаўлена вялікая колькасць экспанатаў, прысвечаных космасу. Вёска Сорагі - малая радзіма начальніка першага ў свеце касмадрома "Байканур" К.В. Герчыка. Школа з гонарам носіць імя свайго знакамітага земляка.

Кіраўніцтва і калектыў навучальнай установы выказалі падзяку Бойка Уладзіміру Уладзіміравічу за цёплыя словы ў адрас школы і калектыву, за прапанаваную дапамогу і супрацоўніцтва. "Дэлегаты Усебеларускага народнага сходу - гэта лепшыя прадстаўнікі рэгіёнаў нашай краіны, людзі, якія не па чутках ведаюць жыццё і ўмеюць вырашаць пастаўленыя задачы».

Завяршылася сустрэча пажаданнямі Уладзіміру Уладзіміравічу Бойка здароўя, доўгіх гадоў жыцця, поспехаў у справах на карысць роднай зямлі.