Як па традыцыі, пачаўся ён з ранішняй зарадкі. Пасля сняданку з дзецьмі была праведзена хвілінка здароўя "Правільнае харчаванне", бо лепш успомніць, паўтарыць і прагаварыць. Далей пераходзім да мерапрыемстваў, і першым ідзе гульня-трэнінг «Давайце казаць адзін аднаму кампліменты». Пасля заканчэння мерапрыемства ў дзяцей на твары не знікала ўсмешка, было відаць, што хтосьці і засмучвацца паспеў. Творчая майстэрня "Падары суседу добры настрой" стала працягам мінулага мерапрыемства. І як жа без спартыўнага мерапрыемства, сёння яно было пад назвай "Кірмаш рэкордаў Гінеса "Я самы, Я самая..."". Гэта было нешта, бо назва мерапрыемства ўжо натхняе, а калі глядзіш, якія і праўда «рэкорды» могуць ставіць дзеці, матывацыя б'е ключем, і гэта не толькі для дзяцей так працуе, але і для дарослых. Затым абавязкова гульні на свежым паветры, пасяджэнне клуба «Юны інфарматык». І вось, падабраліся да гэтага ўрачыстага і хвалюючага моманту» закрыццё лагернай змены", нягледзячы на тое, што гэта сумна, з іншага боку. Хлопцы стараліся, таму былі ўзнагароджаныя дыпломамі і прызамі за актыўнасць, дасціпнасць, спакой, творчыя і спартыўныя дасягненні. Абавязкова перад сыходам дзяцей была праведзена хвілінка бяспекі "Умей несці адказнасць".