Пасля ранішняй зарадкі і смачнага сняданку хлопцы чыталі часопіс "Юны выратавальнік", хадзілі на экскурсію ў школьную майстэрню.
У дзень нараджэння Я.Коласа цэлы шэраг мерапрыемстваў быў прысвечаны класікам беларускай паэзіі: дзеці гулялі ў паэтычнае "Поле цудаў", адказвалі на пытанні віктарыны па творах любімых аўтараў, чыталі вершы.
Пасля абеду наведалі сельскі дом культуры, дзе з задавальненнем слухалі літаратурна-музычную кампазіцыю, падрыхтаваную работнікамі бібліятэкі і вучнямі нашай школы.
Пасля гульняў на свежым паветры займаліся творчасцю, разгадвалі сканворды, чыталі.
Перад сыходам дадому паўтарылі правілы дарожнага руху на хвілінцы бяспекі.