Аздараўленчы лагер «Сонейка» пры ДУА «Сорагскі ВПК яслі-сад-сярэдняя школа імя К. В. Герчыка» адкрыўся! 20 навучэнцаў адправіліся ў падарожжа па краіне дзяцінства.

На ўрачыстай лінейцы начальнік лагера Перегуд Е. А. павіншавала хлопчыкаў і дзяўчынак з паспяховым заканчэннем школы і пажадала весела і цікава правесці летнія канікулы.

Пасля лінейкі прайшло мерапрыемства "Бяспечныя канікулы", дзе дзецям яшчэ раз нагадалі аб асноўных правілах бяспечных паводзін і неабходнасці іх няўхільнага захавання.​

Далей хлопцы сталі ўдзельнікамі музычна-забаўляльнай праграмы "У крузе сяброў". Віктарыны, конкурсы, гульні дапамаглі дзецям цікава правесці час.

Рухомыя гульні на свежым паветры і сонечныя ванны ўмацавалі здароўе дзяцей.