Дзень настаўніка - адзін з самых яркіх святаў у школе! Урачыста сустрэлі гэты дзень і ў нашай любімай школе. З самай раніцы панавала святочная атмасфера.

У гэты дзень падарункам для ўсіх стаў святочны канцэрт "Букет сардэчных віншаванняў", дзе ўшаноўвалі нашых дарагіх педагогаў. Дзеці выконвалі песні, чыталі вершы, разыгрывалі цікавыя сцэнкі. Канцэртныя нумары былі пранізаны дабрынёй, любоўю, талентам і гумарам. Настаўнікі атрымалі шмат слоў удзячнасці і падзякі ад сваіх выхаванцаў. Кожнае выступленне школьнікаў суправаджалася бурнымі апладысментамі. Канцэрт прайшоў у цёплай атмасферы і падарыў усім настаўнікам шмат пазітыву і добрага настрою.