Дзень праходзіў пад назвай "Свет вакол нас". Усе дзецi прынялі актыўны ўдзел у хвілінцы здароўя "Вітаміны на градцы" , падчас якой даведаліся шмат важнай інфармацыі, неабходнай для ўмацавання здароўя.

Падчас пазнавальна-конкурснай праграмы "Суседзі па планеце: жывёлы" дзяўчынкі і хлопчыкі актыўна ўдзельнічалі ў конкурсах па угадвання розных жывёл, птушак, насякомых, даведаліся шмат цікавых фактаў пра нашых суседзяў па планеце.

Затым усе адправіліся на прагулку на свежым паветры, падчас якой назіралі за прыродай і з задавальненнем прайшлі эстафету з абручамі і мячамі "Перакаці поле". Дзеці не толькі атрымалі цікавую інфармацыю, але і зарад бадзёрасці, энергіі, пазітыўнага настрою і ўважлівага, беражлівых адносін да навакольнага свету.

Пасля моцнага і здаровага сну і заняткаў па інтарэсах прайшла хвілінка бяспекі "Правілы паводзін на вадзе". Усе хлопцы чарговы раз пераканаліся, як гэтыя правілы важныя для іх бяспекі.