У свеце налічваецца больш за шэсць тысяч моў. Адны з іх вабяць сваёй прыгажосцю і непаўторнасцю, іншыя – мілагучнасцю. Нашы навучэнцы казалі аб тым, што сярод гэтага мноства моў ёсць адзіная асаблівая – родная, беларуская мова.

На працягу тыдня праходзілі мерапрыемствы, прысвечаныя роднай мове. Школьнікі з гонарам распавядалі аб тым, што ім у спадчыну засталася ўнікальная мова – жывая і мілагучная, песенная і паэтычная, мова бацькоў і дзядоў, вялікі нацыянальны скарб.