Хлопцы прынялі ўдзел у літаратурна-музычнай кампазіцыі “Ніхто не забыты” ля помніка загінуўшым землякам. Незгладжальнае ўражанне ў дзяцей пакінуў круглы стол "Як жылі дзеці ў гады вайны", пасля якога ўсе дружна майстравалі сімвалы свету - галубоў у тэхніцы арыгамі.

Падчас эрудыт-шоу "Беларусь стваральная" юнакі і дзяўчаты парадавалі ведамі па гісторыі сваёй краіны.

Традыцыйна ўвага на працягу дня надавалася тэме бяспекі: навучальны інтэнсіў "Школа першай дапамогі", хвілінка бяспекі "Я - веласіпедыст".

Тыдзень у лагеры скончыўся, а наперадзе ў хлопцаў яшчэ шмат цікавых і захапляльных мерапрыемстваў.