У нашай школе адбыўся выпускны вечар, на якім атэстаты і пасведчанні аб адукацыі атрымалі навучэнцы 9-х і 11-х класаў. Гэтая важная падзея аб'яднала не толькі выпускнікоў і педагогаў, але і ўсіх, хто на працягу многіх гадоў падтрымліваў школу і маладое пакаленне. Урачыстая цырымонія прайшла ў атмасферы шчырай падзякі і добрых пажаданняў. На выпускным вечары прысутнічалі ганаровыя госці, якія добра ведаюць кожнага выпускніка не па чутках.
З віншавальнай прамовай выступілі:
Старшыня Сарогскага сельскага выканаўчага камітэта Жанжэўскі Адам Леанідавіч, які пажадаў хлопцам заставацца вернымі сваёй малой Радзіме, ганарыцца гісторыяй роднага краю і, атрымаўшы прафесію, вяртацца сюды, каб развіваць сваю малую Радзіму.
Кіраўнік ААТ "Сарогі-АГРА" Сурмачэўскі Анатоль Міхайлавіч, які адзначыў, што сёння аграпрамысловы комплекс Рэспублікі Беларусь як ніколі мае патрэбу ў маладых, граматных кадрах. Ён запрасіў выпускнікоў паступаць у аграрныя ВНУ і ССНУ, запэўніўшы, што ў родным краі іх заўсёды чакаюць дастойныя ўмовы працы і сучасныя тэхналогіі.
Дырэктар дзяржаўнай установы адукацыі Кавалёва Таццяна Уладзіславаўна, якая пажадала ўдачы ў намечаным шляху, цярпення і стараннасці.
Самым кранальным момантам стала выступленне бацькоў. Бода Марына Барысаўна выступіла са словамі падзякі педагагічнаму калектыву і, вядома, да пасталелых дзяцей. Яна пажадала выпускнікам мудрасці ў выбары шляху, цярплівасці і заўсёды памятаць аб доме, дзе іх любяць і чакаюць.
Кульмінацыяй вечара стала ўручэнне атэстатаў аб агульнай базавай і агульнай сярэдняй адукацыі. Дырэктар школы асабіста ўручыў кожнаму выпускніку запаветны дакумент.
Для дзевяцікласнікаў гэты вечар стаў пунктам выбару: нехта працягне навучанне ў 10-м класе, а нехта зробіць першы крок у прафесійную адукацыю. Для адзінаццацікласнікаў - развітанне са школай і старт у дарослае самастойнае жыццё.
На мерапрыемстве прагучалі вясёлыя песні з ноткай сумкі, вальс выпускнікоў, вясёлыя танцы і добрыя пажаданні. Дзеці падзякавалі сваім першым настаўнікам і класным кіраўнікам, а таксама педагогам, якія суправаджалі іх на працягу ўсяго школьнага шляху. Жадаем нашым выпускнікам 2026 года знайсці сваё пакліканне і з гонарам несці званне выпускніка нашай школы. Няхай кожны з вас зробіць свой унёсак у росквіт роднага краю і ўсёй Рэспублікі Беларусь!
