8 мая 2026 года навучэнцы і калектыў дзяржаўнай установы адукацыі “Сарогская сярэдняя школа імя К. В. Герчыка”, калектыў ААТ “Сарогі-Агра”, калектыў сельскага дома культуры і Сарогскага сельскага выканаўчага камітэта прынялі ўдзел у мітынгу-рэквіеме “Мы памятаем! Мы ганарымся!».
З віншавальнай і наказальнай прамовай выступілі: старшыня Сарогскага сельскага выканаўчага камітэта Жанжэўскі Адам Леанідавіч, кіраўнік ААТ "Сарогі-Агра" Сурмачэўскі Анатоль Міхайлавіч, дырэктар дзяржаўнай установы адукацыі "Сарогская сярэдняя школа імя К. В. Герчыка" Кавалёва Таццяна Уладзіславаўна. Ва ўрачыстай абстаноўцы навучэнцам 9-га класа былі ўручаны білеты ГА "БРСМ".
Мітынг-рэквіем «Мы памятаем! Мы ганарымся!» стаў не проста данінай традыцыям, а магутнай заявай аб грамадзянскай пазіцыі навучэнцаў, работнікаў і жыхароў в. Сорагі. Мір, спакой і незалежнасць - гэта галоўныя каштоўнасці, якія абаранілі ветэраны і якія сёння берагуць іх нашчадкі. Вечная памяць героям!
