Падчас мерапрыемства школьнікі даведаліся пра прычыны і наступствы трагедыі, пра горад Прыпяць, які назаўсёды апусцеў, пра гераічны подзвіг ліквідатараў — пажарных, вайскоўцаў, шахцёраў, будаўнікоў і ўрачоў, якія цаной свайго жыцця і здароўя спынілі распаўсюджванне радыяцыі. Асаблівую цікавасць у хлопцаў выклікала інтэрактыўная частка - "Ліст з мінулага". Навучэнцы напісалі кароткія пасланні дзецям Чарнобыля, выказаўшы словы падтрымкі і падзякі героям. Завяршылася мерапрыемства запальваннем свечкі памяці і хвілінай маўчання ў памяць аб загінуўшых ратавальніках і ўсіх ахвярах чарнобыльскай катастрофы.