У ходзе паездкі дзеці наведалі Жыліцкі палацавы ансамбль, рэзідэнцыю дваранскага роду Булгакаў. Рабяты прайшлі па залах палаца, паслухалі аповяд экскурсавода аб гісторыі стварэння палаца і яго няпростаму лёсу. Палац быў рэстаўраваны на дзяржаўныя грошы і ў 2011 годзе адкрыты для наведвання.

Таксама вучні наведалі мемарыяльны комплекс «Дзецям — ахвярам вайны», адкрыты 28 чэрвеня 2007 года ў Чырвоным Беразе. Вучні ўбачылі "Мёртвы клас" з белых пустых парт і школьнай дошкі. Даведаліся гісторыю стварэння комплексу і паслухалі перадсмяротны ліст-завяшчанне 15-гадовай Каці Сусанінай бацьку з фашысцкай няволі.