У мэтах прыцягнення навучэнцаў да практычнай дзейнасці па пасадцы і догляду пладова-ягадных садоў, да дзейнасці па ахове навакольнага асяроддзя былі праведзены мерапрыемствы з навучэнцамі. У рамках акцыі школьнікі актыўна бралі ўдзел у зборы яблыкаў. Гэта выдатны прыклад згуртавання дзеля агульнай справы. Збор яблыкаў стаў не толькі займальным заняткам, але і магчымасцю даведацца больш аб працэсе вырошчвання садавіны і значэнні сельскай гаспадаркі.

Школьнікі з цікавасцю слухалі апавяданні пра розныя гатункі яблыкаў, іх карысныя ўласцівасці і спосабы догляду дрэў. Такое мерапрыемства ўмацавала камандны дух навучэнцаў і падарыла дзецям радасць ад працы на свежым паветры, дапамагло ім лепш зразумець важнасць працы і клопаты аб прыродзе. Падобныя акцыі спрыяюць фармаванню ў дзяцей адказных адносін да навакольнага свету і вучаць шанаваць плён працы.