Першы дзень пачаўся з хвілінкі здароўя "Сябры Майдадыра". Дзеці ўспомнілі і назвалі асноўныя штодзённыя гігіенічныя працэдуры.

Падчас відэалекторыя "Свет без небяспекі" былі прадэманстраваны ролікі МНС Беларусі.

Потым дзяцей чакала экскурсія ў школьны музей пад знакавай назвай "Паехалі!" Тут дзеці яшчэ раз успомнілі жыццёвы шлях К.В.Герчыка, а таксама пазнаёміліся з іншымі знакавымі "касмічнымі" фігурамі, выхадцамі Слуцкай зямлі.

Таксама, дзеці сёння малявалі вясну. Атрымалася выстава малюнкаў "Вясновы пейзаж".

Пасля абеду дзяцей чакала гадзіна настольных гульняў "Чорныя і белыя".

На жаль надвор'е сёння не спрыяла прагулкам на свежым паветры, таму мерапрыемства «Мой вясёлы звонкі мяч» прыйшлося праводзіць у спартзале.

У завяршэнне дня прайшла хвілінка бяспекі "Правілы паводзін у транспарце, грамадскіх месцах".